امام علي جنجھي

امام علي جنجھي: نظم جي مشھور شاعر امام علي ولد محمد يوسف جنجهي 15 مارچ 1975ع تي ڳوٺ وڪڙيي، تعلقي اسلام ڪوٽ، ضلعي ٿرپارڪر ۾ جنم ورتو. ماڊل اسڪول، ميرپورخاص مان انٽر تائين تعليم حاصل ڪئي. سنڌي ادبي سنگت شاخ، اسلام ڪوٽ جو ٻه ڀيرا سيڪريٽري ۽ هڪ ڀيرا ڪائونسلر، ’سنڌ ڪوتا ڪارج‘ تنظيم اسلام ڪوٽ جو ٻه ڀيرا سيڪريٽري ۽ هڪ ڀيرو خزانچي ۽ ’ميگهه سماجي‘ تنظيم جو 2003ع کان 2016ع تائين سيڪريٽري رهي چڪو آهي. هن غير سرڪاري اداري ‘PVDP’ ۾ سوشل موبلائيزر ايڊمن ايريا آفيس انچارج طور 15 سالن تائين سانگهڙ، خيرپور، ميرپورخاص، ماتلي، ننگرپارڪر ۾ ڪم ڪيو.کيس سامي فائونڊيشن پاران 2008ع ۾ ’پورب ڄائي‘ اوارڊ ڏنو ويو. سندس شاعري مختلف سنڌي رسالن ۽ اخبارن ۾ شايع ٿيندي رهي آهي.

داخلا ۾ استعمال ٿيل تاريخون

1975.03.15  عيسوي

نظم جي مشھور شاعر امام علي ولد محمد يوسف جنجهي 15 مارچ 1975ع تي ڳوٺ وڪڙيي، تعلقي اسلام ڪوٽ، ضلعي ٿرپارڪر ۾ جنم ورتو.

شاعر - ڀاڱي جون ٻِيون داخلائون